有間剪髮舖好似坤人(位置係旺角新寶戲院附近):

今日我朋友介紹我去間相熟剪髮屋,個髮型師Ki Ki W.同我講電負離子$150(只係電陰),一開始已落過兩次藥水攪(攪成2粒鍾),之后就開始幫我剪,問題就發生
我問 "電負離子唔駛用個夾夾頭髮架咩"?
Ki Ki W.答"我唔係幫你做負離子,只係幫你拉直(只係用風筒吹下)"
我問 "你唔係幫我整負離子架咩?拉直我自己都識啦,我就係唔想日日吹頭先電負離子,咁電負離子要幾錢呀?"
Ki Ki W.答"最底消費$398"
我問 "你頭先又話$150?你拉完都冇直過(一樣甘捲),咁我做黎做咩呀?"
Ki Ki W.答"咁我幫你做番負離子"
我問 "咁米即係由頭做過?藥水都唔同啦!"
Ki Ki W.答"我幫你拉直同負離子既藥水係一樣,只係做法唔同"
我問 "價錢呢?"
Ki Ki W.答"只收番$150."
跟住我就俾佢夾完又再茶藥水又再夾,但最后D頭髮都係捲(冇直過)...
我問"冇直過喎!"
Ki Ki W.答"因為你頭髮短,所以冇效."
我講"我以前咁短電都直(有3吋長)"
Ki Ki W.問"直左幾耐呀?"
我答"都有一年架(我以前電完之後D頭髮留左一年冇剪過)"
Ki Ki W.唸左一陣就答"唔直因為係你D頭髮太碎,重量不夠,所以唔直"
我冇出聲,再過一陣
Ki Ki W.問"得唔得呀?"
我答"你話呢?"
Ki Ki W.答"我會剪左捲果D頭髮."
最后我都係剪左捲果D頭髮,俾左錢$150+$88+服務費=$246,攪成3粒鍾,淨係剪左個頭咁,係呢件事,我覺得有以下疑點係俾人坤左水:
第一. 佢一開始話電負離子$150(只係電陰),之后又話呢個價錢只係拉直
第二. 佢又話電負離子最底消費$398
第三. 做完負離子但頭髮冇直過,仲要只係茶多一次藥水+夾左二次,如果我當時話做做番負離子,俾多$398又係做呢D野,咁頭髮米一樣冇直過
第四. 如果我既頭髮真係太短,太碎, 做完負離子都唔會直,點解佢一開始又唔講又唔建議$398負離子而幫我電$150呢?咁米即係一開始打算硬食多我$150?還是$398負離子都係電完唔直呢?
各位綱友,我想聽下你地意見,我係米俾人坤左?十分感激...