半夜看見已跳樓死去的亞婆從天井爬番上嚟！

我小時候是住在七層H型公屋的4樓的，我的契媽、契爺是住在我隔三間的，我的契爺是在果欄從事搬運工人的，因此，他每天都要天未光四點幾就要出門番工的瞭，一天，他如常天都未光就出門口番工，經過第七間單位時，忽然看到一對老人傢的手，抓著天井的欄河邊，一步一步的想爬番上嚟，原來之前那單位個師奶的傢婆，因久病厭世，從該單位自4樓跨過欄河從天井跳下自殺死去，我的契爺嚇得馬上飛奔回傢，之後還嚇至病倒幾日呢！好番後，雖然係驚，但為咗搵食，每朝天未光都要硬著頭皮繼續經過那單位的門口番工，這事我契媽一直都唔敢同我講番，怕嚇親我喎！直到我長大瞭及搬離這大廈後至敢同我講番，因為我屋企一定要經過該單位才可以去到公用廁所的，如果我知道此事，萬一半夜便急起來，我一定唔敢自己起身上廁所的，咁唯有實聽瀨都得瞭，如今諗番起那情境的驚嚇程度，我自己就覺得唔遜色得過貞子喺井底爬番上嚟嗰幕嘞！諗起都起曬雞皮呀！  

這是小弟第一次張貼post，如果寫得不好的話，懇請各位大大多多包涵和請繼續支持，謝謝！（似唔似賣藥呀！）